A Plataforma Aberta Cidadá celebra a súa Asemblea Electoral

Plataforma Aberta Cidadá vén de celebrar este domingo día 3 a súa Asemblea Electoral. O obxectivo de esta votación foi escoller a orde das 11 persoas que ocuparán os postos de saída da candidatura coa que concorrer ás vindeiras eleccións de maio.

Coa asemblea e votación do domingo, culmina un proceso participativo e aberto á cidadanía, onde calquera veciño/a puido, entre o 17 de novembro e o 18 de xaneiro, presentar a súa candidatura ou ben inscribirse para participar en dita votación.

Entre as seis e as nove da tarde, 21 das persoas inscritas para o proceso achegáronse ata o local sito na Avenida da Estación a depositar a súa papeleta. Cada participante asignou a cada unha das candidatas o posto que estimou axeitado, configurándose posteriormente a lista ao ordear as candidatura co valor medio dos postos asignados.

En paralelo a isto, abriuse un debate entre os/as asistentes para coñecer as inquedanzas, facer unha revisión crítica da traxectoria da agrupación, e suxerir melloras de cara ao futuro.

A última hora, procedeuse ao reconto e os resultados foron os seguintes:

  1. LARA RODRÍGUEZ PEÑA
  2. ANTÓN BRANCO VILARIÑO
  3. JACOBO VÁZQUEZ GONZÁLEZ
  4. PATRICIA LAMAS DE LA TORRE
  5. MANUEL IGREXAS RODRÍGUEZ
  6. SUSO RIVAS GONZÁLEZ
  7. JAVIER BODAÑO VILLAR
  8. CELIA LAMELA COUTO
  9. ALEXIA SOTO PENALTA
  10. MAXI BLANCO TABOADA
  11. SABRINA LAMAS VILLANUEVA

Independentemente de nomes e orden, o importante é o proxecto. Seguimos a traballar de xeito participativo, e animamos a calquera persoa afín á agrupación a achegarse a calquera das nosas reunións abertas a coñecer de primeira man o noso funcionamento.

Comparte este artigo

Share on facebook
Share on twitter
Share on google
Share on whatsapp
Share on telegram